Fabra fòrum (2019)
Difusion dera òbra e era vessant civica de Pompeu Fabra
Ath long deth 2019 era Fondacion Vincle a participat ena celebracion der An Fabra, iniciat en 2018 e que s’a perlongat pendent tot er an 2019. Entre es activitats amiades a tèrme i a era collaboracion en documentau Fabra, diccionari d’un home sense biografia, emetut per TV3 eth 23 d’abriu de 2019 e damb un notable succès d’audiéncia, e era preparacion deth « Fabra fòrum », ua seria d’activitats amiades a tèrme en Badalona, Olesa e Sabadelh entre noveme e deseme de 2019 damb era idia de difóner era figura deth Fabra mès civic. Enes « Fabra fòrum » s’i a projectat eth documentau citat, s’a podut gaudir deth monològ « Pompeu Fabra: jugada mestre! », der actor Òscar Intente, e finaument eth public assistent a preguntat e a hèt un shinhau de fòrum sus eth lingüista e activista pera lengua.
Veiguetz eth trailer deth documentau aciu.
Veiguetz eth documentau sancer aciu.
Notaries (2018)
Estudi sus es usatges lingüistics en airau notariau
Era Fondacion Vincle a collaborat damb er Estudi sobre els usos lingüístics a les oficines notarials de Catalunya, dera Plataforma pera Lengua. Er estudi, que s’a presentat aguest dimars 8 de mai de 2018 e qu’a compdat damb eth supòrt dera Generalitat de Catalonha, ei frut d’ua recèrca que, damb ua mòstra de clients de notaries, a investigat es usatges lingüistics oraus e documentaus e, mejançant preguntes dubèrtes e barrades, a classificat es possibles causes deth baish usatge deth catalan que mostrauen es estadistiques prèvies sus documents notariaus. Trobaratz mès infromacion sus era qüestion en aguesta notícia.
Podetz consultar es estudi clicant aciu: 2018 Estudi usatges lingüistics enes notaries de Catalonha
Torisme (2011)
Campanha « Benvinguts a Catalunya »
Aguest huelheton, presentat dimèrcles 27 de juriòl de 2011, a er objectiu de dar a conéisher era lengua e era cultura catalanes as estrangèrs e nauvengudi que visiten Catalonha e desvelhar-les er interès, entà qu’era sua estada sigue enriquidora, e ath madeish temps, respectuosa damb er entorn. Se tracte d’un desplegable en catalan e anglés que conten parts tradusides en d’autes lengües coma er alemanh, eth francés o eth castelhan. Presente elements basics dera lengua e era cultura catalanes e sage d’explicar as visitants que vien entà casa nòsta pendent es mesi d’ostiu es particularitats culturaus e lingüistiques deth nòste país. Ei ua campanha amiada a tèrme damb era Plataforma pera Lengua.
Podetz consultar eth huelheton aciu: 2011 Desplegable multilingüe Benvinguts a Catalunya
Campanha « Nous parlants » (2010-2012)
Edicion deth triptic El català també és meu. Respostes per als futurs parlants de català (2012)
Seguint damb era volontat de difóner eth contengut dera guida El català també és meu / El catalán también es mío, era Fondacion Vincle, damb eth supòrt dera Generalitat de Catalonha e der Ajuntament de Sabadelh, edite eth triptic El català també és meu. Respostes per als futurs parlants de català. Se tracte d’ua version molt resumida deth messatge que vò hèr arribar era guida as naui parlants de catalan publicada en 2010.
Podetz consultar eth triptic, edicion Vallès Occidental, clicant aciu: 2011 Triptic El català també és meu – edicion Sabadell
· Naua edicion dera guida El català també és meu / El catalán también es mío (2011)
Era Fondacion Vincle e era Plataforma pera Lengua reediten era guida bilingüa El català també és meu / El catalán también es mío en ua naua edicion que compde, a mès de damb eth supòrt dera Generalitat de Catalonha, damb eth supòrt der Ajuntament de Sabadelh.
Podetz consultar era guida, edicion Vallès Occidental, aciu: 2011 Guida El català també és meu – catalan – castelhan – edicion Sabadell.
· Presentacion dera guida El català també és meu / El catalán también es mío (2010)
Guida bilingüa (en castelhan e catalan) qu’expause e argumente es motius e es reflexions qu’es catalanoparlants d’adopcion – aqueres persones que non an eth catalan coma lengua prumèra mès que l’an adoptada coma lengua d’usatge abituau – an hèt entà sénter coma sua era lengua catalana. Ei un document molt ben hèt, redactat per Jusèp-Antòni Fernàndez, Puti Pinto e Carmen Pérez, plen de recorsi qu’ajuden ath potenciau nau parlant a gésser der armari lingüistic e pèrder era vergonha e guanhar en seguretat ara ora de méter en practica er usatge dera lengua. Eth libre siguec prologat peth jornalista e empresari Justo Molinero. Ei ua edicion dera Fondacion Vincle e era Plataforma pera Lengua.
Podetz consultar era guida aciu: 2010 Guida El català també és meu – catalan – castelhan
Campanha « Cinema » (2010) Cinèma: era excepcion deth catalan en contèxte internacionau (2010)
Era Fondacion Vincle e era Plataforma pera Lengua convoquèren eth passat 11 de mai de 2010, en Centre de Cultura Contemporanèa de Barcelona, er acte Llengües al cinema. L’excepció del català en el context internacional. En acte i assistiren especialistes en cinèma de Finlàndia, Estònia e Quebèc, ath delà des patrons de Vincle, Jusèp Maria López Llaví e Miquèu Strubell.